തളിപ്പറമ്പിൽ മെഡിക്കൽ വിദ്യാർത്ഥി വാഹനാപകടത്തിൽ മരണപെട്ടു

 

കണ്ണൂർ : 

തളിപ്പറമ്പിലുണ്ടായ വാഹനാപകടത്തിൽ കൊല്ലം സ്വദേശിയായ എം.ബി.ബി.എസ് വിദ്യാർത്ഥി മരിച്ചു. കൊല്ലം തെക്കേവിള പുത്തൻ നടയിൽ സുരേഷ് ബിൽഡിങ്ങിൽ ശങ്കറിന്റെയും പുഷ്പലതയുടെയും മകൻ ഇസക്കി മുത്തു (23) ആണ് മരിച്ചത്‌.

കഴിഞ്ഞ മാസം 27ന്‌ രാത്രി 11 നാണ്‌ അപകടം ഉണ്ടായത്. ക്രിക്കറ്റ് ടൂർണമെന്റ് സെലക്ഷൻ കഴിഞ്ഞു കണ്ണൂരിലേക്ക് വന്ന ഇസക്കി മുത്തുവും സുഹൃത്തുക്കളും സഞ്ചരിച്ച കാർ നിയന്ത്രണം വിട്ട് അപകടത്തിൽ പെടുകയായിരുന്നു. തലയ്ക്ക് ഗുരുതരമായി പരിക്കേറ്റ ഇസക്കി മുത്തുവിനെ കണ്ണൂർ എ.കെ.ജി ഹോസ്പിറ്റലിൽ പ്രവേശിപ്പിച്ചിരിക്കുകയായിരുന്നു. വയനാട് ഡോക്ടർ മൂപ്പൻസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ രണ്ടാം വർഷ വിദ്യാർഥിയായിരുന്നു. സഹോദരൻ തങ്ക രാജ്. സംസ്കാരം ചൊവ്വാഴ്ച രാവിലെ 11 മണിക്ക് പോളയത്തോട് സ്മശാനത്തിൽ.