മുലയൂട്ടുന്ന അമ്മമാർ ശ്രദ്ധിക്കണം ഈ ആഹാര കാര്യങ്ങൾ

 

ആദ്യമാസങ്ങളിൽ കുഞ്ഞിന് നൽകാവുന്ന ഒരേയൊരു ഭക്ഷണം മുലപ്പാലാണ്. എന്നാൽ മുലപ്പാൽ കുറവാണെങ്കിലോ അല്ലെങ്കിലോ ഒക്കെ മുലപ്പാലിന്റെ പകരം എന്ന പേരിൽ വിപണിയിൽ ലഭ്യമായിട്ടുള്ള ഉത്പന്നങ്ങൾ കുഞ്ഞിന് നൽകുന്ന എത്രയോ അമ്മമാരുണ്ട്. 

എന്നാൽ ഈ ഉത്പന്നങ്ങൾക്കൊന്നും കുഞ്ഞിന് വേണ്ട പോഷകങ്ങൾ നൽകാൻ പൂർണമായും കഴിയില്ല. അതുകൊണ്ട് തന്നെ പ്രസവ ശേഷം ആവശ്യത്തിന് മുലപ്പാൽ ലഭിക്കാനുള്ള വഴികൾ ഗർഭ കാലത്ത് തന്നെ സ്ത്രീകൾ അറിഞ്ഞിരിക്കുകയും ചെയ്യുകയുമൊക്കെ വേണം. കാരണം മുലയൂട്ടുക എന്നത് കുഞ്ഞിന് ഭക്ഷണം നൽകുക മാത്രമല്ല ചെയ്യുന്നത്, അമ്മയുടെ ആരോഗ്യത്തിനും ഇത് പ്രധാനമാണ്.

പ്രോട്ടീൻ:

കൂടുതൽ പ്രോട്ടീൻ അടങ്ങിയ ആഹാര സാധങ്ങൾ കഴിക്കുന്നത് മുലപ്പാലിന്റെ അളവ് വർധിപ്പിക്കും. കൂടാതെ കുഞ്ഞിന്റെ വളർച്ചയ്ക്കും ഇത് സഹായകമാണ്. ഗർഭിണികളുടെ ഭക്ഷണത്തിൽ മറ്റുള്ളവർക്ക് ആവശ്യമുള്ളതിനേക്കാൾ 25 ശതമാനം കൂടുതൽ പ്രോട്ടീൻ ആവശ്യമാണ്. അതിനാൽ ഓരോ സമയത്തെയും ഭക്ഷണത്തിൽ പ്രോട്ടീൻ ഘടകങ്ങൾ കൂടുതലുള്ളവ ഉൾപ്പെടുത്താൻ ശ്രദ്ധിക്കണം.

ലഭിക്കുന്നത്: മാംസാഹാരം, പാൽ ഉത്പന്നങ്ങൾ, ധാന്യങ്ങൾ, പച്ചക്കറികൾ എന്നിവയിലൂടെ ധാരാളം പ്രോട്ടീൻ ലഭിക്കും

ഫോളിക് ആസിഡ് :

ഗർഭിണികളുടെ ഭക്ഷണ ക്രമത്തിൽ ഫോളിക് ആസിഡ് അല്ലെങ്കിൽ വിറ്റാമിൻ ബി 9 അടങ്ങിയ ഭക്ഷണങ്ങൾ ചേർക്കേണ്ടത് അനിവാര്യമാണ്. കുഞ്ഞിന്റെ തലച്ചോറിന്റെ പ്രവർത്തനം മെച്ചപ്പെടുത്താൻ ഫോളിക് ആസിഡ് അത്യാവശ്യമാണ്. കൂടാതെ ശരീര കോശങ്ങളുടെ വളർച്ചയ്ക്കും ഇത് അത്യാവശ്യമാണ്.

ഇത് എവിടെ നിന്ന് ലഭിക്കും? ഇലക്കറികൾ, കടും പച്ച നിറത്തിലുള്ള പച്ചക്കറികൾ എന്നിവയിൽ നിന്ന് ധാരാളമായി ഫോളിക് ആസിഡ് ശരീരത്തിലെത്തും. കൂടാതെ, ബീൻസ്,മറ്റ് പയർ വർഗ്ഗങ്ങൾ, വാൾനട്സ്, ഫ്‌ളാക്‌സ് സീഡ്‌സ്, നിലക്കടല തുടങ്ങിയവയിൽ നിന്നെല്ലാം ഫോളിക് ആസിഡ് ആവശ്യത്തിന് ശരീരത്തിലെത്തും.

കഴിക്കണം, ഇരുമ്പ് അടങ്ങിയ ഭക്ഷണം:

അമ്മമാർ ഇരുമ്പ് കൂടുതൽ അടങ്ങിയ ഭക്ഷണം കഴിക്കേണ്ടത് പ്രധാനമാണ്. ഇരുമ്പിന്റെ അഭാവം ഉണ്ടെങ്കിൽ വിളർച്ച പോലുള്ള പ്രശ്നങ്ങൾ ഉണ്ടാകാം. ഇതിന്റെ അഭാവം കാരണം ക്ഷീണവും തളർച്ചയും ഉണ്ടാകും. ഇരുമ്പ് അടങ്ങിയ ഭക്ഷണങ്ങൾ കഴിക്കുന്നത് വഴി അമ്മയുടെയും കുഞ്ഞിന്റെയും ശരീരത്തിൽ ചുവന്ന രക്താണുക്കൾ വർധിക്കാൻ സഹായിക്കും. കുഞ്ഞിന്റെ ശരീര വളർച്ചയ്ക്കും തലച്ചോറിന്റെ വികസനത്തിനും ഇത്തരം ഭക്ഷണങ്ങൾ സഹായിക്കും.

എവിടെ നിന്ന് ലഭിക്കും: കരൾ ഉൾപ്പെടെയുള്ള മാംസാഹാരം, പച്ചക്കറികൾ, വേവിച്ച പയർ വർഗ്ഗങ്ങൾ എന്നിവയിൽ നിന്ന് ഇരുമ്പിന്റെ അംശം ധാരാളം ലഭിക്കും. കൂടാതെ, കശുവണ്ടി പരിപ്പ്, മത്തൻ വിത്തുകൾ, ഉരുളക്കിഴങ്ങ്, തവിട് കളയാത്ത ധാന്യങ്ങൾ എന്നിവ ഇരുമ്പിന്റെ മികച്ച ഉറവിടമാണ്.

കാൽസ്യം അടങ്ങിയ ഭക്ഷണങ്ങൾ:

അമ്മയുടെയും കുഞ്ഞിന്റെയും ആരോഗ്യത്തിന് കാൽസ്യം കൂടിയേ തീരൂ. അതിനാൽ കാൽസ്യം അടങ്ങിയ ഭക്ഷണങ്ങൾ കഴിക്കാൻ ശ്രദ്ധിക്കണം. ഇത് കുഞ്ഞിന്റെ എല്ലുകളുടെ വളർച്ചയ്ക്കും പല്ലുകൾ കിളിർക്കുന്നതിനും സഹായിക്കും. കൂടാതെ, അമ്മയ്ക്ക് ഭാവിയിൽ അസ്ഥി സംബന്ധമായ ആരോഗ്യ പ്രശ്നങ്ങൾ ഇല്ലാതിരിക്കാനും ഇവ കഴിക്കണം.

എവിടെ നിന്ന്പാ ലഭിക്കും: ൽ, തൈര്, വെണ്ണ, മോര്, നെയ്യ്, ഇലക്കറികൾ, സോയ ഉത്പന്നങ്ങൾ, എള്ള്, റാഗി, പരിപ്പ് വർഗ്ഗങ്ങൾ എന്നിവയിൽ നിന്ന് ധാരാളം കാൽസ്യം ലഭിക്കും.

ഇവ ആഹാരത്തിൽ ചേർക്കാം

പെരും ജീരകം: പെരുംജീരകം മുലപ്പാൽ വർധിക്കാൻ സഹായകമാണ്. പെരുംജീരകം ഒരു ഗ്ലാസ് വെള്ളത്തിൽ ഒരു രാത്രി കുതിർത്ത് പിറ്റേന്ന് രാവിലെ ആ വെള്ളം കുടിക്കുക.

മുരിങ്ങയ്ക്ക, മുരിങ്ങയില: കാൽസ്യം, അയൺ എന്നിവയാൽ സമ്പന്നം. രോഗ പ്രതിരോധ ശക്തി വർധിപ്പിക്കുന്നു. മുരിങ്ങയില ദിവസവും ഭക്ഷണത്തിൽ ഉൾപ്പെടുത്തുന്നത് മുലപ്പാൽ ഉണ്ടാകാൻ നല്ലതാണ്.

ശതാവരി:മുലയൂട്ടുന്ന അമ്മമാർ നിർബന്ധമായും കഴിക്കേണ്ട ഒന്നാണ് ശതാവരി. ധാരാളം നാരുകൾ, ജീവകം എ, കെ എന്നിവ അടങ്ങിയിരിക്കുന്നു. മുലപ്പാലിന്റെ ഉൽപ്പാദനം കൂട്ടുന്ന ഹോർമോണുകളെ ഉത്തേജിപ്പിക്കുന്നു. ശതാവരി കഴുകി അരിയുക. പാലിൽ ചേർത്ത് തിളപ്പിച്ച് കുടിക്കുക.

എള്ള്: കാൽസ്യം, കോപ്പർ, ഇവ ധാരാളം അടങ്ങിയിരിക്കുന്നു. അമ്മയ്ക്കും കുഞ്ഞിനും ആരോഗ്യമേകുന്ന നിരവധി പോഷകങ്ങൾ എള്ളിൽ അടങ്ങിയിട്ടുണ്ട്. എള്ള്, ശർക്കര ചേർത്ത് വരട്ടി എള്ളുണ്ടയാക്കി കഴിക്കാം.

ഉലുവ: മുലപ്പാലിന്റെ ഉൽപ്പാദനം കൂട്ടാൻ ഉലുവ സഹായിക്കും. തലേന്ന് ഒരു ഗ്ലാസ് വെള്ളത്തിൽ ഉലുവ കുതിർക്കുക. പിറ്റേന്ന് രാവിലെ ഈ വെള്ളം കുടിക്കാം, പച്ചക്കറികളിൽ ചേർത്തും കഴിക്കാം. ഉലുവയിട്ടു തിളപ്പിച്ച വെള്ളം കുടിക്കുന്നതും നല്ലതാണ്.

വെളുത്തുള്ളി: വെളുത്തുള്ളിയാണ് മുലപ്പാൽ വർദ്ധനവിന് സഹായിക്കുന്ന മറ്റൊരു ഘടകം. വയറിന്റെ ആരോഗ്യ പ്രശ്‌നങ്ങൾക്കും തടി കുറയ്ക്കാനുമെല്ലാം ഉത്തമമാണ് ഇത്. ഇതു ഭക്ഷണത്തിൽ ചേർത്തോ ലേഹ്യമായോ കഴിയ്ക്കാം.

അയമോദകം: ദഹനത്തിനു സഹായകം. മുലപ്പാൽ വർധിപ്പിക്കുന്നു. അയമോദകവും പെരുംജീരകവും ചേർത്ത് വെള്ളത്തിൽ കുതിർത്ത് പിറ്റേന്ന് ആ വെള്ളം കുടിക്കുക. ഭക്ഷണത്തിൽ ചേർത്തും ഉപയോഗിക്കാം.

keywords : Insurance , Gas/Electricity , Loans , Mortgage , Attorney , Lawyer , Donate , Conference Call , Degree , Credit , Treatment , Software ,  Classes , Recovery , Trading , Rehab , Hosting , Transfer , Cord Blood , Claim