കൊച്ചി: മോൻസൻ മാവുങ്കലിന്റെ സുഹൃത്ത് അനിത പുല്ലയിലിനെതിരെ കേസെടുത്ത് പോലീസ്. പീഡനത്തിന് ഇരയായ പെൺകുട്ടിയുടെ പേര് വെളിപ്പെടുത്തിയതിനാലാണ് കേസെടുത്തിരിക്കുന്നത്. മോൻസനെതിരെ പരാതി നൽകിയ പെൺകുട്ടിയുടെ പേരും ചിത്രങ്ങളുമാണ് അനിത വെളിപ്പെടുത്തിയത്. യുവതിയുടെ പരാതിയെ തുടർന്നാണ് പോലീസ് അനിതയ്‌ക്കെതിരെ കേസെടുത്തത്.
ഇന്ത്യൻ ശിക്ഷാ നിയമത്തിലെ 228എ ചുമത്തിയാണ് ഇറ്റലിയിൽ സ്ഥിരതാമസമാക്കിയ അനിതയ്‌ക്കെതിരെ കേസെടുത്തിരിക്കുന്നത്. രണ്ട് വർഷം വരെ ശിക്ഷ ലഭിക്കാവുന്ന കുറ്റമാണിത്. ബലാത്സംഗത്തിന് ഇരയായ പെൺകുട്ടിയുടെ പേര് വിവരങ്ങൾ പുറത്തുവിടുന്നത് നിയമവിരുദ്ധമാണ്. ഇത്തരത്തിലൊരു നടപടിയാണ് അനിയുടെ ഭാഗത്ത് നിന്നും ഉണ്ടായിരിക്കുന്നത്.
അനിത പുല്ലയിൽ എന്ത് ഉദ്ദേശ്യത്തിലാണ് ഈ വിവരങ്ങൾ പുറത്തുവിട്ടത് എന്നാണ് പോലീസ് അന്വേഷിക്കുന്നത്. യുവതിയും അനിതയും തമ്മിൽ ഏതെങ്കിലും തരത്തിലുള്ള ബന്ധമുണ്ടോ എന്നതടക്കം അന്വേഷിക്കേണ്ടതായി ഉണ്ട്. അനിതയാണ് മുൻ ഡിജിപി ലോക്‌നാഥ് ബെഹ്‌റ അടക്കമുള്ള ഉന്നതരെ മോൻസന്റെ മ്യൂസിയത്തിലേക്ക് എത്തിച്ചത്. സംഭവത്തിൽ വിശദമായ അന്വേഷണം നടത്തുമെന്ന് പോലീസ് അറിയിച്ചു.
إرسال تعليق