പത്തനംതിട്ട:
സമൂഹ മാധ്യമത്തിലൂടെ പരിചയപ്പെട്ട യുവതിയെ പീഡിപ്പിച്ച കേസില്‍ ഓട്ടോറിക്ഷാ ഡ്രൈവര്‍ അറസ്റ്റില്‍. ചിറ്റയം പ്രശാന്ത് ഭവനില്‍ പ്രദീപ് ഡി നായരാണ് (44) പിടിയിലായത്. വിദേശത്ത് ജോലി ചെയ്യുകയായിരുന്ന വിവാഹ ബന്ധം വേര്‍പെടുത്തിയ തിരുവനന്തപുരം സ്വദേശിനിയായ യുവതിയെ സമൂഹ മാധ്യമം വഴിയാണ് പ്രദീപ് പരിചയപ്പെട്ടത്. തുടര്‍ന്ന് സൗഹൃദം പ്രണയമാകുകയും, വിവാഹിതനും രണ്ട് കുട്ടികളുടെ പിതാവും ആണെന്ന വിവരം മറച്ചു വെച്ചു പ്രദീപ് യുവതിക്ക് വിവാഹ വാഗ്ദാനം നല്‍കുകയുമായിരുന്നു. തുടര്‍ന്ന് യുവതി നാട്ടിലെത്തിയപ്പോള്‍ ആരും അറിയാതെ നിയമപരമല്ലാതെ വിവാഹവും കഴിച്ചു.
തുടര്‍ന്ന് വീട്ടിലും തിരുവനന്തപുരത്തും എത്തിച്ച് യുവതിയെ പീഡിപ്പിച്ചു. പീഡന ദൃശ്യങ്ങള്‍ യുവതി അറിയാതെ മൊബൈല്‍ ഫോണില്‍ പകര്‍ത്തുകയും ചെയ്തു. യുവതി ലീവ് കഴിഞ്ഞ് വിദേശത്തേക്ക് പോയ ശേഷമാണ് പ്രദീപ് വിവാഹിതനാണെന്ന വിവരം അറിയുന്നത്. സംഭവം ചോദ്യം ചെയ്തതോടെ പീഡന ദൃശ്യങ്ങള്‍ യുവതിയുടെ സുഹൃത്തുക്കള്‍ക്ക് അയച്ചു കൊടുത്തു. തുടര്‍ന്ന് യുവതി സിറ്റി പോലീസ് കമ്മിഷണര്‍ക്ക് നല്‍കിയ പരാതിയില്‍ സിഐ സി ദേവരാജന്‍, എസ്ഐമാരായ ശ്യാം, ശബ്‌ന, ലഗേഷ് എന്നിവരുടെ നേതൃത്വത്തില്‍ പ്രദീപിനെ കസ്റ്റഡിയിലെടുത്തത്. കോടതിയില്‍ ഹാജരാക്കി റിമാന്‍ഡ് ചെയ്തു
Post a Comment