കെട്ടിടനിർമാണ സാമഗ്രികളുടെ വിലവർധനയിൽ നിർമാണത്തൊഴിലാളികളുടെ പ്രതിഷേധം

തളിപ്പറമ്പ് :കെട്ടിടനിർമാണ സാമഗ്രികളുടെ വിലവർധനയിൽ നിർമാണത്തൊഴിലാളികളുടെ പ്രതിഷേധം. ദേശീയ പണിമുടക്കിന്റെ ഭാഗമായി സി.ഐ.ടി.യു.വിന്റെ നേതൃത്വത്തിൽ തൊഴിലാളികൾ തളിപ്പറമ്പ് ഹെഡ് പോസ്റ്റാഫീസിലേക്ക് മാർച്ചും ധർണയും നടത്തി. മുൻ എം.എൽ.എ. സി. കൃഷ്ണൻ ഉദ്ഘാടനം ചെയ്തു. പി.പി. രഘു അധ്യക്ഷത വഹിച്ചു. കെ. കരുണാകരൻ, പി. മാധവൻ, ടി. പ്രഭാകരൻ, വി.വി. മുരളി എന്നിവർ സംസാരിച്ചു.