Join Our Whats App Group

കൈകളിലെ മെഹന്തിയുടെ നിറം മങ്ങിയോ? ഇങ്ങനെ നീക്കം ചെയ്യാം...| How to remove mehndi from hands

 കൈകളിൽ മെഹന്തി അല്ലെങ്കിൽ മൈലാഞ്ചി ഇടാൻ ഇഷ്ടമുള്ളവരാണ് സ്ത്രീകളിൽ ഏറെയും. പ്രത്യേകിച്ച് ആഘോഷ വേളകളിൽ. എന്നാൽ എത്ര മനോഹരമായ രീതിയിൽ അണിഞ്ഞാലും നിശ്ചിത ദിവസം കഴിയുമ്പോൾ ഇവ മങ്ങി തുടങ്ങും. മങ്ങിയ മെഹന്തി കാണാൻ അഭംഗിയാണ്. 



കൈകളുടെ സ്വാഭാവിക ഭംഗി പോലും ഇവ ഇല്ലാതാക്കും. നിറം മങ്ങി തുടങ്ങിയാൽ പിന്നെ എത്രയും വേഗം പൂർണമായും മാറ്റാനുള്ള വഴികൾ അന്വേഷിക്കുന്നവരാണ് ഏറെയും. രാസവസ്തുക്കൾ ചേർന്ന റിമൂവറുകൾ ആണ് മിക്ക ആളുകളും ഇതിനായി ആദ്യം അന്വേഷിക്കുന്നത്. ഇവ കൈകളുടെ ചർമ്മത്തിന് അത്ര നല്ലതല്ല. അതുകൊണ്ട് തന്നെ വീട്ടിൽ ലഭ്യമായ സാധാരണ വസ്തുക്കൾ ഉപയോഗിച്ച് മങ്ങി തുടങ്ങിയ മൈലാഞ്ചി നീക്കം ചെയ്യാം. അതിനുള്ള വിദ്യകൾ ഇതാ...


ടൂത്ത്പേസ്റ്റ്

പല്ലുകൾ മനോഹരമാക്കാൻ മാത്രമല്ല ടൂത്ത് പേസ്റ്റ്. നിങ്ങളുടെ കൈകളിലെ മങ്ങിയ മെഹന്തി നിറം മായ്ച്ചു കളയാനും ഇത് സഹായിക്കും. നിറം മങ്ങിയ മൈലാഞ്ചിക്ക് മുകളിൽ ടൂത്ത് പേസ്റ്റ് പുരട്ടി ഉണങ്ങാൻ അനുവദിക്കുക. ശേഷം ഇത് കഴുകി കളയാം. തുടർച്ചയായ ദിവസങ്ങളിൽ ചെയ്യുന്നത് മെഹന്തി പെട്ടെന്ന് തുടച്ചു നീക്കാൻ സഹായിക്കും. ഉടൻ തന്നെ മോയ്‌സ്ചറൈസിംഗ് ലോഷൻ ഉപയോഗിക്കാൻ മറക്കരുത്. അല്ലെങ്കിൽ ചർമം വരണ്ടതായി തീരും.

നാരങ്ങ

നാരങ്ങ ഉപയോഗിച്ച് നിങ്ങളുടെ കൈകളിലെ മെഹന്തി നിറം നീക്കം ചെയ്യാൻ സാധിയ്ക്കും. അതിന്റെ ബ്ലീച്ചിംഗ് ഗുണങ്ങളാണ് ഇതിന് സഹായിക്കുക. ഒരു നാരങ്ങയെ രണ്ട് ഭാഗങ്ങളായി മുറിച്ച് ജ്യൂസ് കൈകളിലെ മെഹന്തിക്ക് മുകളിൽ നേരിട്ട് ഉരസുക. ശേഷം ചെറു ചൂടുള്ള വെള്ളത്തിൽ കഴുകി കളയാം.

ഇത് കൂടാതെ മറ്റൊരു മാർഗ്ഗം, ഒരു ബക്കറ്റിൽ ചെറുചൂടുള്ള വെള്ളവും അഞ്ച് മുതൽ ആറ് ടേബിൾസ്പൂൺ നാരങ്ങ നീരും കലർത്തി കൈകൾ ഇതിൽ മുക്കി വെയ്ക്കാം. ഇത് ദിവസത്തിൽ രണ്ടു തവണ ചെയ്യുന്നതാണ് നല്ലത്.

ബേക്കിംഗ് സോഡ

വീട്ടിൽ ബേക്കിംഗ് സോഡ ഉണ്ടോ, എങ്കിൽ മൈലാഞ്ചി എളുപ്പത്തിൽ നീക്കം ചെയ്യാം. മെഹന്തി പെട്ടെന്ന് ശരീരത്തിൽ നിന്ന് തുടച്ചു നീക്കാൻ സഹായിക്കുന്ന മറ്റൊരു ബ്ലീച്ചിംഗ് ഏജന്റാണ് ബേക്കിംഗ് സോഡ. ബേക്കിംഗ് സോഡപ്പൊടിയുടെയും നാരങ്ങയും ചേർത്ത് കട്ടിയുള്ള പേസ്റ്റ് ഉണ്ടാക്കുക. മെഹന്തി നിറം നീക്കം ചെയ്യാൻ ഇത് കൈകളിൽ പുരട്ടുക. ശേഷം കഴുകി കളയാം.

കൈകൾ കഴുകാം:

ആന്റി ബാക്ടീരിയൽ സോപ്പുകൾ കൈകളിലെ നിറം മങ്ങിയ മെഹന്തി നീക്കം ചെയ്യാൻ സഹായിക്കും. അതിനാൽ കൈകൾ കൂടുതൽ തവണ കഴുകുന്നതിലൂടെ നിറം പൂർണ്ണമായും ഒഴിവാക്കാൻ സഹായിക്കും. ആൻറി ബാക്ടീരിയൽ സോപ്പ് അല്ലെങ്കിൽ ഹാൻഡ് വാഷ് ഉപയോഗിച്ച് ഒരു ദിവസം 8 മുതൽ 10 തവണ വരെ കൈ കഴുകുക. അമിതമായി കഴുകുന്നത് കൈകളെ വരണ്ടതാക്കും. അതിനാൽ എല്ലായ്പ്പോഴും മോയ്സ്ചറൈസിംഗ് ലോഷൻ ഉപയോഗിക്കാൻ ശ്രദ്ധിക്കുക.

ഉപ്പ്‌ വെള്ളം

ചൂട്‌ വെള്ളത്തിൽ ഉപ്പ്‌ ചേർത്ത്‌ കൈയും കാലും 20 മിനുട്ട്‌ നേരം അല്ലെങ്കിൽ വെള്ളം തണുക്കുന്നത്‌ വരെ അതിൽ മുക്കി വയ്‌ക്കുക. പല പ്രാവശ്യം ഇത്‌ ചെയ്‌താൽ മികച്ച ഫലം ലഭിക്കും. കൂടുതൽ സമയം കൈകൾ വെള്ളത്തിൽ മുക്കി വച്ചാൽ വരണ്ടുപോകും . അതിനാൽ നല്ല മോയ്‌സ്‌ച്യുറൈസർ പുരട്ടാൻ മറക്കരുത്.

ഒലിവ്‌ ഓയിലും ഉപ്പും

മൈലാഞ്ചിയുടെ നിറം മങ്ങാൻ സഹായിക്കുന്ന മികച്ച മാർഗങ്ങളിൽ ഒന്നാണിത്‌. ഒലിവ്‌ എണ്ണ നിറം മങ്ങാൻ സഹായിക്കും ഒലിവ്‌ എണ്ണയിൽ അൽപം ഉപ്പ്‌ ചേർത്ത്‌ മൈലാഞ്ചി ഇട്ട്‌ ഭാഗത്ത്‌ പുരട്ടുക. പത്ത്‌ മിനുട്ടിന്‌ ശേഷം വീണ്ടും പുരട്ടുക. ഇത്‌ പല പ്രാവശ്യം തുടരുക. ഏതാനം ദിവസം തുടർച്ചയായി ചെയ്‌താൽ പെട്ടെന്ന ഫലം കിട്ടും.

Post a Comment

أحدث أقدم
Join Our Whats App Group