കുന്നംകുളം: സ്വകാര്യ സ്ഥാപനത്തിലെ ജീവനക്കാരിയെ വിവാഹവാഗ്ദാനം നല്‍കി ലോഡ്ജിലും വാടകവീട്ടിലും കൊണ്ടുപോയി പീഡിപ്പിച്ച പ്രതിക്ക് ശിക്ഷ വിധിച്ച്‌ പോക്സോ കോടതി.വിവാഹവാഗ്ദാനം നല്‍കി ക്ഷേത്രത്തില്‍ വെച്ച്‌ മാലയിട്ട് വിവാഹം കഴിച്ചെന്ന് വിശ്വസിപ്പിച്ച്‌ പെണ്‍കുട്ടിയെ ലോഡ്ജിലും വാടകവീട്ടിലും കൊണ്ടുപോയി പീഡിപ്പിച്ച കേസിലെ പ്രതിയായ യുവാവിനും സഹായിയായ സ്ത്രീയ്ക്കുമാണ് കുന്നംകുളം പോക്സോ കോടതി ശിക്ഷ വിധിച്ചത്.
ചെറുപനക്കല്‍ ഷാജി (47), തൊഴിയൂര്‍ ചെറുവത്തൂര്‍ വീട്ടില്‍ ആലീസ് (54) എന്നിവരെയാണ് ജഡ്ജ് എം.പി. ഷിബു ശിക്ഷിച്ചത്. ഒന്നാം പ്രതി ഷാജിക്ക് രണ്ട് വകുപ്പുകളിലായി 20 വര്‍ഷം കഠിനതടവും രണ്ട് ലക്ഷം രൂപയും രണ്ടാം പ്രതി ആലീസിന് ആറ് വര്‍ഷം കഠിനതടവും 25,000 രൂപ പിഴയുമാണ് ശിക്ഷ. 2006ലാണ് കേസിനാസ്പദമായ സംഭവം. ഓട്ടോ ഡ്രൈവറായിരുന്ന ഷാജി ടൗണിലെ സ്വകാര്യ സ്ഥാപനത്തില്‍ ജോലിചെയ്യുകയായിരുന്ന പെണ്‍കുട്ടിയുമായി അടുപ്പത്തിലായി. വിവാഹവാഗ്ദാനം നല്‍കി. ശേഷം ഗുരുവായൂര്‍ ക്ഷേത്രത്തില്‍ കൊണ്ടുപോയി തുളസിമാലയിട്ട് വിവാഹം കഴിച്ചെന്ന് വിശ്വസിപ്പിച്ച്‌ ലോഡ്ജില്‍ വെച്ച്‌ ബലാല്‍സംഗം ചെയ്യുകയുമായിരുന്നു.
വര്‍ഷങ്ങള്‍ക്ക് ശേഷം 2009 ല്‍ പെണ്‍കുട്ടിയെ വിവാഹം കഴിച്ച്‌ ഭാര്യയാക്കി വീട്ടില്‍ കൊണ്ടുപോകാമെന്ന് പറഞ്ഞ് രണ്ടാം പ്രതി ആലീസിന്റെ പുതുശേരിയിലെ വാടകവീട്ടില്‍ കൊണ്ടുചെന്ന് വീണ്ടും പീഡിപ്പിക്കുകയായിരുന്നു. ഇത്തവണ വിവാഹം കഴിച്ച്‌ ഒരുമിച്ച്‌ താമസിക്കാമെന്നായിരുന്നു ഇയാള്‍ നല്‍കിയ വാഗ്ദാനം. എന്നാല്‍, പീഡനത്തിനിടെ അമിതമായ രക്തസ്രാവം ഉണ്ടായതിനെ തുടര്‍ന്ന് പ്രതികള്‍ പെണ്‍കുട്ടിയെ തൃശൂര്‍ മെഡിക്കല്‍ കോളജ് ആശുപത്രിയിലെത്തിച്ച്‌ മുങ്ങുകയായിരുന്നു. ആശുപത്രി അധികൃതര്‍ വിവരം പോലീസിനെ അറിയിക്കുകയും തുടര്‍ന്ന് പ്രതിയെ അറസ്റ്റ് ചെയ്യുകയുമായിരുന്നു
إرسال تعليق